بۆ گفتوگۆ لەسەر خشتەی بودجە لیژنەی دارایی پەرلەمانی عێراق میوانداریی تەیف سامی دەکات

ئاڤا نیوز

بۆ گفتوگۆکردن لەسەر چەند پرسێک، بڕیارە لیژنەی دارایی پەرلەمانی عێراق، ڕۆژی یەکشەممەی داهاتوو میوانداریی تەیف سامی، وەزیری دارایی بکات.

چیرۆکی سەرەکی: بەپێی نووسراوێک کە لەلایەن عەتوان عەتوانی، سەرۆکی لیژنەی دارایی پەرلەمانی عێراقەوە دەرچووە، بڕیارە ڕۆژی یەکشەممە 2025-07-20،  تەیف سامی، وەزیری دارایی عێراق، لە بارەگای لیژنەی دارایی پەرلەمانی عێراق ئامادەبێت.

ڕاگەیێنراوی فەرمی: عەتوان عەتوانی، سەرۆکی لیژنەی دارایی پەرلەمان، ڕایگەیاند، لیژنەکە لەگەڵ تەیف سامی، وەزیری دارایی تاوتوێی هۆکاری دواکەوتنی خشتەی بودجەی ساڵی 2025 دەکات.

زانیاریی زیاتر: عەتوانی ئاماژەی بەوەشدا، کۆی داهات و خەرجیی ساڵانی 2023، 2024 و 2025،  ئامادەکردنی هەیکەلی بودجەی گشتی و پەرەپێدانی ڕەشنووسی یاسای دارایی و بە ئەلیکترۆنیکردنی سیستەمی گومرگ و باج، تەوەرێکی دیکەی گفتوگۆکان لەگەڵ تەیف سامی دەبێت.

دەقی داوەتنامەکەی لیژنەی دارایی بۆ تەیف سامی بە زمانی عەرەبی