بیۆنسێ بە هێمای ڕۆشنبیریی جیهانی دەناسێنرێت

ئاڤا نیوز

 

بیۆنسێ، گۆرانیبێژی بەنێوبانگی ئەمریکی لەلایەن کۆمپانیای "ئای هێرت میدیا"ـوە بە هێمای ڕۆشنبیریی جیهانی دەناسێنرێت.

 

ڕاگەیێنراوی فەرمی: لە بڵاوکراوەیەکدا کۆمپانیای (ئای هێرت میدیا)ـی  ئەمریکی ڕایگەیاند: ڕێکخەرانی ئاهەنگی (ئینڤەیتەر) کە لەلایەن کۆمپانیاکەمانەوە سازدەکرێت، بڕیاریان داوە بیۆنسێ وەک هێمای ڕۆشنبیریی جیهانی بناسێنرێت.

هۆکارە زانراوەکان: خەڵاتەکە دوای گەشتە هونەرییەکەی بیۆنسێ دێت بە ناوی (ڕێنسانس) کە ساڵی ڕابردوو کردی و باشترین و گەورەترین سەرکەوتنی لە مێژوودا بەدەستهێنا.

 

وێنە گەورەکە: گۆرانییە نوێیەکەی بیۆنسێ بە ناوی (Texas Holdem) کە لەم دواییانەدا بڵاویکردەوە، لەنێو هەموو تۆڕەکانی فرۆشتندا پڕفرۆشترین گۆرانییە لە ئەمریکا و جیهان بۆ ئەمساڵ.

 

ئەمەش بزانە: ڕۆژی پێنجشەممە ئاهەنگەکە دەکرێت، ساڵانە ئەم خەڵاتە دەبەخشرێتە ئەو هونەرمەندانەی بە بەردەوامی کاریگەرییان لەسەر ڕۆشنبیریی کۆمەڵگە و بەرهەمهێنانی مۆسیقا هەیە، پێشتر تایلەر سویفت و برۆنۆ مارس ئەم خەڵاتەیان بردووەتەوە.