حەماس: ئەگەر دانوستانی ئەمجارە سەرنەگرێت ڕەنگە لە داهاتوودا ئاگربەست قبووڵ نەکەین

ئاڤا نیوز

وتەبێژی باڵی سەربازیی بزووتنەوەی حەماس دووپاتی کردەوە بە تەواوی پاڵپشتی شاندی بزووتنەوەکە لە دانوستانکاری ئاگربەست لەگەڵ ئیسرائیل دەکەن و هۆشداریی دا ئەگەر ئیسرائیل ئەمجارەش نەرمی لە دانوستانەکان نەنوێنێت ئەگەری هەیە لە داهاتوودا ئاگربەست قبووڵ نەکەن.

ڕاگەیێنراوی فەرمی: ئەبو عوبەیدە، وتەبێژی کەتیبەکانی قەسام باڵای سەربازیی بزووتنەوەی حەماس ڕایگەیاند: مقاوەمە لە چەند مانگی ڕابردوودا چەندین جار پێشنیازی کردووە ڕێککەوتنێکی گشتگیر کە تێیدا هەموو دیلەکانی دوژمن بە یەکجار ئازاد بکەین، بەڵام نەتانیاهۆی تاوانباری جەنگ و وەزیرەکانی ئەو پێشنیازەیان ڕەتکردەوە، ئەوان ڕای گشتییان لە قەوارەکەدا ئامادەکردووە بۆ ئەوەی بیرۆکەی کوژرانی هەموو دیلەکان قبووڵ بکەن.

ناوبراو وتی، مقاوەمە لە نزیکەوە چاودێری دانوستانەکان دەکات و هیوادارە لە ئەنجامدا ڕێککەوتنێک بکرێت کە گەرەنتی کۆتایی هاتنی شەڕی کۆمەڵکوژی و کشانەوەی داگیرکاری و گەیاندنی هاوکاریی مرۆیی بۆ خەڵکی غەززە بکات بەڵام ئەگەر دوژمن لەم خولەی دانوستانەدا نەرمی نەنوێنێت، گەرەنتی گەڕانەوە بۆ فۆرمی ڕێککەوتنی بەشەکی یان بۆ پێشنیازی ئازادکردنی ئەو 10 بارمتەی لە ئارادایە ناکەین.

گۆشەیەکی دیکەی دیمەنەکە: "چوار مانگ بەسەر دەستپێکردنەوەی دەستدرێژییەکانی داگیرکەر تێدەپەڕێت دوای ئەوەی پەیمانەکانی شکاند و دەستبەرداری ئەو ڕێککەوتنە بوو کە لەگەڵ مقاوەمە ئەنجامدرا، لەم ماوەیەدا سەدان سەربازمان کوشتووە و بریندارکردووە هاوکات هەزارانی دیکە تووشی نەخۆشی دەروونی و زەبر و زەنگەوە بوونەتەوە" ئەبو عوبەیدە واشی وت.

زانیاریی زیاتر: ئەبو عوبەیدە جەختی لەوە کردەوە، قەسام لەم قۆناغەدا ستراتیژیەتی بریتییە لە "کوشتنی دوژمن، ئەنجامدانی ئۆپەراسیۆنی تایبەت، و هەوڵدان بۆ بەدیلگرتنی سەربازەکانی"، ئاماژەی بەوەشکردووە، دوژمن پشتیوانی بێسنوور لە "بەهێزترین هێزە ستەمکارەکانی جیهان (ئەمریکا)" وەردەگرێت، لەکاتێکدا "ڕژێم و هێزەکانی میللەتەکەمان سەیری ئەوە دەکەن کە براکانیان دەکوژرێن و برسی دەکرێن و ئاو و دەرمانیان لێ بێبەش دەکرێت".

باکگراوند: لە سەرەتای مانگی ئاداری ڕابردووەوە بۆ یەکەمجار ئەبو عوبەیدە، وتەبێژی کەتیبەکانی قەسام باڵای سەربازیی بزووتنەوەی حەماس لە ڤیدیۆیەکی تۆمارکراو دەرکەوت و چەند پەیامێکی ڕاگەیاند و دووپاتی کردەوە، بە تەواوی ئامادەن بۆ شەڕی درێژخایەن.