هاوینەهەواری گەلی عەلی بەگ بە دیزاینێکی نوێ دەکرێتەوە

ئاڤا نیوز

بەهۆی نۆژەنکردنەوە و جێبەجێکردنی ماستەر پلانێکی نوێوە، هاوینەهەواری گەلی عەلی بەگ بۆ ماوەی ساڵێک بەڕووی گەشتیاران دادەخرێت و دواتر بە بەرگێکی نوێوە دەکرێت. 

چیرۆکی سەرەکی: لەسەر ڕاسپاردەی سەرۆکوەزیران مەسرور بارزانی، دیزانێکی نوێ و سەردەمیانە بۆ گەلی عەلی بەگ ئامادەکراوە و بڕیاری جێبەجێکردنی بۆ دەرچووە و کارکردن تیایدا بەردەوام دەبێت تاوەکو ساڵی داهاتوو. 

لێدوانی فەرمی: مەغدید عەریف ئەحمەد، قایمقامی قەزای خەلیفان، بە ئاڤا میدیای ڕاگەیاند، بەهۆی جێبەجێکردنی ماستەرپلانی نۆژەنکردنەوە، هاوینەهەواری گەلی عەلی بەگ دادەخرێت، بە تەواوبوونی دەبێتە ناوچەیەکی گەشتیاریی زۆر تایبەت کە دیزاینێکی مۆدێرنی پێوە دیارە. 

سەرجەم ئەو کەسانە ئاگادارکراونەتەوە کە لەو شوێنە کار دەکەن بۆ ئەوەی کەلوپەلەکانیان کۆبکەنەوە، ئەوانیش لە ئێستادا دەستیان کردووە بە کارکردن.


زانیاریی زیاتر: نۆژەنکردنەوەکە تەواوی بەشەکانی هاوینەهەوارەکە دەگرێتەوە و شوێنە زێدەڕۆکانیش لادەبرێن، ئەمەش دیمەنێکی جوانتر بە ناوچەکە دەبەخشێت.