لە سلێمانی دوای شەش ساڵ سەری قوتوویەکی دەرمان لە گەدەی نەخۆشێک دەردەهێنرێت

ئاڤا نیوز

ژنێکی بەتەمەن لە سلێمانی دوای شەش ساڵ سەری قوتووی دەرمان لە گەدەی دەردەهێنرێت و بەرپرسانی تەندروستی شارەکەش دەڵێن، تەندروستی زۆرباشە و کێشەی نییە.

چیرۆکی سەرەکی: شەش ساڵ لەمەوبەر لە سلێمانی، ژنێکی تەمەن 84 ساڵ، لەکاتی خواردنی حەب، بە هەڵە سەری قوتووی دەرمانەکەش دەچێتە قورگییەوە و قوتی دەدا.

زانیاریی زیاتر: دوای شەش ساڵ، ئەمڕۆ لە نەخۆشخانەی هەرس و جگەری فێرکاری لە سلێمانی، لەڕێگای هەناوبینیەوە واتا 'ناسوور'، سەرە قوتووەکە لە گەدەی ئەم ژنە بە تەمەنە دەردەهێنرا.

لێدوانی فەرمی: سامان شێخ لەتیف، وتەبێژی بەڕێوەبەرایەتی تەندروستیی سلێمانی بە ئاڤا میدیای وت، "نەخۆشەکە ئێستا تەندروستی جێگیرە و ئەو ناسوورەی بۆی کراوە زۆر سەرکەوتوو بووە و هیچ گرفتێکی نەماوە".