ئاسایشی هەولێر کەسێک بەتۆمەتی فرۆشتنی دۆلاری ساختە دەستگیر دەکات

ئاڤا نیوز

بەڕێوەبەرایەتیی ئاسایشی هەولێر ڕایگەیاند، "کەسێک لە تۆڕەکۆمەڵایەتییەکان بانگەشەی بۆ فرۆشتنی دۆلاری ساختە کردووە و دەستگیرمان کراوە".

ڕاگەیێنراوی فەرمی: شەوی 19-7-2025، بەڕێوەبەرایەتیی ئاسایشی هەولێر ڕایگەیاند: کەسێک بەناوی (س،ب،ڕ) دەستگیر کراوە کە لە تۆڕەکۆمەڵایەتییەکان بانگەشەی فرۆشتنی دۆلاری بە کەمتر لە نرخی ئاسایی خۆی لە بازاڕ کردووە، ئەو دۆلارەش لە تۆڕەکۆمەڵایەتییەکان بە "دۆلاری بلۆکراوی لیبی" ناسراوە.

- ئەم دراوە لە بنەڕەتدا بوونی نییە و کۆپیکراو و ساختەیە، چەند کەسێک بانگەشەی فرۆشتنی ئەم دۆلارە لە تۆڕەکۆمەڵایەتییەکان دەکەن.

- لەجێگەی دراوی دۆلار، ئەوەی دادەنرێت 250 دیناری عێراقییە.

- "پێشتر چەندین جار هۆشداریمان لەسەر ئەم بابەتە بە هاونیشتمانییان داوە، ئێستاش داوا دەکەین کە خۆیان لە مامەڵەکردن بەم دراوە ساختەیە بەدوور بگرن، تا سامانیان پارێزراو بێت".