بانکێکی حکومی پێشینەی 15 ملیۆن دینار دەداتە فەرمانبەران

ئاڤا نیوز

بانکێکی حکومی، خستنەگەڕی پێشینەی ئەلیکترۆنی لەڕێگەی کارتی باوەڕپێکراوەوە (کرێدت کارد) ڕادەگەیێنێت کە بەرزترین بڕەکەی 15 ملیۆن دیناری عێراقییە.

ڕاگەیێنراوی فەرمی: نووسینگەی ڕاگەیاندنی بانکی ڕەشید لە ڕاگەیێنراوێکدا ڕوونیکردووەتەوە کە پێشینەکە فەرمانبەرانی فەرمانگەكانی دەوڵەت و کارمەندانی وەزارەتەکانی ناوخۆ و بەرگری دەگرێتەوە، بە تایبەتی ئەوانەی مووچەکانیان لەسەر بانکی ڕەشید تەوتین کراوە.

بەگوێرەی بانکەکە، بڕی پێشینەکە دەتوانێت بگاتە پێنج هێندەی مووچەی مانگانەی کەسەکە، بەڵام لە 15 ملیۆن دینار زیاتر نابێت. یەکێک لە مەرجە سەرەکییەکانیش ئەوەیە کە تەمەنی داواکار لە 57 ساڵ زیاتر نەبێت.

لە هەمان کاتدا: بانکەکە جەختی لەوە کردووەتەوە کە پرۆسەی داواکارییەکە بەتەواوی ئەلیکترۆنییە و تەنیا لەڕێگەی ئەپلیکەیشنی تایبەتی بانکی ڕەشیدەوە ئەنجام دەدرێت.