سەرۆکی هەواڵگریی تورکیا بۆ پرۆسەی ئاشتی سەردانی پارتەکان دەکات

ئاڤا نیوز

سەرۆکی دەزگای هەواڵگریی تورکیا لە چوارچێوەی هەوڵەکان بۆ پرۆسەی ئاشتی، زنجیرە سەردانێک بۆ لای فراکسیۆنەکان پەرلەمانی تورکیا ڕێکدەخات.

ئەم سەردانەی ئیبراهیم کاڵن لە چوارچێوەی کارەکانی پەرلەمانە بۆ پێکهێنانی کۆمیسیۆنێکی تایبەت بە پرۆسەی ئاشتی لە پەرلەمان.

وێنە گەورەکە: هەوڵەکان بۆ سەرخستنی پرۆسەی ئاشتی لە تورکیا بەردەوامن، هێز و لایەنە سیاسییەکانی تورکیا کۆکن لەسەر ئەوەی پرۆسەکە سەربگرێت.

زانیاریی بەدەستهاتوو: بەگوێرەی ئاژانسی ئەنەدۆڵی تورکی، کاڵن بەر لە پێکهێنانی کۆمیسیۆنەکە لەگەڵ سەرجەم فراکسیۆنەکانی پەرلەمانی تورکیا کۆدەبێتەوە.

بڕیار وایە سەردانەکانی کاڵن لە ئەمڕۆوە دەستپێبکەن، لەگەڵ سەرۆکپارتەکانی ئاکپارتی، جەهەپە، دەم پارتی، مەهەپە، ئیی پارتی، پارتی ڕێگەی نوێ کۆببێتەوە. 

زانیاریی زیاتر: کاڵن چاوی بە سەرۆکی فراکسۆنەکان و پەرلەمانتارانی پارتە سیاسییەکان دەکەوێت و زانیاری لەسەر ماوەی پرۆسەی ئاشتی بەوان دەدات.