لە بەنگلادیش فڕۆکەیەکی سەربازی لەنێو کۆلێژێک دەکەوێتە خوارەوە

ئاڤا نیوز

بەهۆی کەوتنە خوارەوەی فڕۆکەیەک لە کۆلێژێکی شاری دەکا لە پایتەختی بەنگەلادیش 19 کەس گیانیان لەدەستدا و زیاتر لە 50 کەسیش بریندار بوون.

چیرۆکی سەرەکی: کەوتنە خوارەوەی فڕۆکەیەکی سەربازی لە حەرەمی کۆلێژی دەکای پایتەختی بەنگەلادیش کارەسات ژمارەیەک قوتابی کۆلێژەکە دەکوژێت و برینداریان دەکات. بەپێی ئەو ڤیدیۆیانەی بڵاوبووەنەتەوە، ئاگرێکی گەورە لە کۆلێژەکە کەوتووەتەوە.

بڵاوکراوەی فەرمی: ئاژانسی هەواڵی ڕۆیتەرز ڕایگەیاند: بە هۆی کەوتنەخوارەوەی فرۆکەکە 19 کەس گیانیان لەدەستدا، زیاتر لە 50 کەسیش بریندار بوون کە برینی بەشێکیان سەختە.

زانیاریی زیاتر: بەشی هەرە زۆری ئەو کەسانەی لە ڕووداوەکەدا بریندار بوون، بەهۆی گڕە بەتینەکەی ئاگرەکەوە بووە.