فیتۆ ڕادەستی ئەمریکا کرا

ئاڤا نیوز

ئادۆڵفۆ ماسیاس، ناسراو بە فیتۆ، گەورەترین بازرگانی ماددەی هۆشبەر لە وڵاتانی ئەمریکای لاتین، ڕادەستی ئەمریکا کرا.

چیرۆکی سەرەکی: فیتۆ پێشتریش دەستگیر کرابوو، بەڵام ساڵی 2024 توانی لە بەندیخانەیەکی زۆر تووند و سەخت ڕا بکات؛ مانگێک لەمەوپێش هەمدیسان دەستگیر کرایەوە و ئێستاش ڕادەستی ئەمریکا کرا.

زانیاریی زیاتر: فیتۆ تەمەنی 45 ساڵە و خەڵكی ئیکوادۆرە، بە ڕێکارێکی زۆر سەخت و لە ژێر چاودێرییەکی زۆر چڕدا سواری فڕۆکەیەک کرا و بەرەو شاری نیویۆرکی ئەمریکا بەڕێکرا.

دادگایەکی ئەمریکا فیتۆی بە قاچاخی ماددەی هۆشبەر و چەک تۆمەتبار کردووە.

ئەوەی پێویستە بیزانیت: بڕیارە دوای گەشتنەوەی بە ئەمریکا ببرێتە بەردەم دادگا و تۆمەتەکانی ئاراستە بکرێن و دادگایی بکرێت.