شاخەوان عەبدوڵڵا: کێشەکانی هەولێر و بەغدا بارگرانییەکی ڕاستەقینەیە بۆ سەر ژیانی هاووڵاتییان

ئاڤا نیوز

جێگری سەرۆکی پەرلەمانی عێراق دەڵێت، سەبارەت بە پرسی مووچەی فەرمانبەرانی هەرێمی کوردستان، کێشەکانی نێوان هەولێر و بەغدا، "لەگەڵ باڵیۆزی سێ وڵات گفتوگۆم کردووە".

وێنە گەورەکە: کێشەکانی نێوان حکومەتی هەرێمی کوردستان و حکومەتی عێراق سەبارەت بە پرسی مووچە و هناردەکردنەوەی نەوتی کوردستان بەردەوامە و تاوەکو ئێستا چارەسەر نەکراوە، لەمبارەیەوە گفتوگۆ لەگەڵ نوێنەر و باڵیۆزی وڵاتان لەبارەی چارەسەرکردنی کێشەکان بەردەوامە.

لێدوانی فەرمی: شاخەوان عەبدوڵڵا، جێگری سەرۆکی پەرلەمانی عێراق ڕایگەیاند، "لەگەڵ باڵیۆزانی هەریەک لە وڵاتانی (ئۆسترالیا و ڕۆمانیا و ڕووسیا) گفتوگۆمان کرد لەسەر لێكەوتەکانی ئەم کێشانەی نێوان هەولێر و بەغدا کە بووەتە بارگرانییەکی ڕاستەقینە و زیانێكی گەورە بۆ سەر  ژیانی هاووڵاتیان".

- "دووبارەبونەوەی هێرشە تیرۆریستییەکان بۆ سەر دامەزراوە نەوتییەکان لە هەرێمی کوردستان، پەرەپێدانی پەیوەندییە دووقۆڵییەکان لەگەڵ وڵاتانی دۆست، دیارترین ئەو پرس و بابەتانە بوون کە لە گفتوگۆکە باسمان لێوەکرد".

پەیوەست بەم بابەتە: حکومەتی هەرێمی کوردستان ڕەزامەند بووە لەسەر ڕێکەوتنی نێوان هەولێر و بەغدا، بەڵام حکومەتی عێراق بەبێ پرسی حکومەتی هەرێمی کوردستان خاڵێکی دیکەی بۆ ڕێکەوتنەکە زیاد کردووە کە ئێستا ئەستمە جێبەجێکردنی، چونکە کێڵگە نەوتییەکان بەهۆی هێرشە درۆنییەکانەوە بەرهەمهێنانی کەم کردووە.