پزیشکیان مەرجی دانوستان لەگەڵ ئەمریکا ئاشكرا دەکات

ئاڤا نیوز

سەرۆککۆماری ئێران لەبارەی دەستپێکردنەوەی دانوستانەکانی ئەتۆمی لەگەڵ واشنتن ئاشکرای دەکات، ئامادەیە بۆ ئەنجامدانی دانوستان بەڵام بە مەرجی دڵنیابوون لەوەی ئیسرائیل جارێکی دیکە هێرش بۆ سەر وڵاتەکەی ئەنجام نەدات.

وێنە گەورەکە: لە دوای هێرشە ئاسمانییەکانی  ئەمریکا و ئیسرائیل بۆ سەر دامەزراوە ئەتۆمییەکانی ئێران، و بڕیار بوو تاران و واشنتن دەست بە دانووستانەکانیان بکەنەوە، بەڵام تاوەکو ئێستا هیچ وادەیەک بۆ دەستپیکردنەوەی دانووستانەکان دیاری نەکراوە.

لێدوانی فەرمی: مەسعود پزیشکیان، سەرۆککۆماری ئێران ڕایگەیاند، ''هیچ کێشەیەک نییە لە دەستپێکردنەوەی دانوستانەکان لەگەڵ ئەمریکا، بەمەرجێک واشنتن گەرەنتی بدات کە ئیسrائیل جارێکی تر هێرش ناکاتەوە سەر وڵاتەکەمان، هاوکات دەشڵێت، ئامادەین بۆ دەستپێکردنەوەی دانوستان لەبارەی لێکۆڵینەوە بەرنامەی ئەتۆمی، جەختیشی لەوەکردەوە، کە هەر شەڕێکی دیکە لە ڕۆژهەڵاتی ناوەڕاست دەبێتە هۆی ناسەقامگیری زیاتر''.

گۆشەیەکی دیکەی دیمەنەکە: لەبارەی دۆخی غەززەوە، پزیشکیان دەڵێت، '' لەپێش چاوی جیهانەوە خەڵکی غەززە بە برسێتی دەمرن، ئێمە شەرم دەکەین کۆمەڵ بکوژانی خەڵکی کەرتی غەززە بە مرۆڤ وەسف بکەین''.