فایلی خەڵک؛ دانیشتووانی گەڕەکێکی ڕانیە بەهۆی بۆنی ناخۆش هەراسان بوون

ئاڤا نیوز

دانیشتووانی گەڕەکی هەنجیرەی خواروو لە ڕانیە بەدەست نەبوونی خزمەتگوزارییەوە دەناڵێنن و داوا دەکەن ئاڤا بەدواداچوونیان بۆ بکات.

وێنە گەورەکە: گەڕەکی هەنجیرەی خواروو بەهۆی بۆنی ناخۆشەوە هەراسان بوون کە بەهۆی نەبوونی ئاوەڕۆی لوولەیی، بۆنی ناخۆش بڵاودەبێتەوە و تەواو خەڵکی گەڕەکەکەی بێزاری کردووە.

ئەوەی پێویستە بیزانیت: گەڕەکەکە زیاتر لە 200 ماڵی تێدایە، چەند جارێک بۆ چارەسەرکردنی گرفتەکە چوونەتە شارەوانی ڕانیە و داواکارییان بەرزکردووەتەوە، هەرچەندە بەڵێنیان پێدراوە، بەڵام تەنیا بەڵێن بووە و بۆیان چارەسەر نەرکردوون.

لێدوانی فەرمی: ئەحمەد مەلا وسو، سەرۆکی شارەوانی ڕانیە بە ئاڤای ڕاگەیاند، چارەسەرکردنی ئەم کێشەیە بەشێکە لە پلانی ساڵی 2025 کە شارەوانی ڕانیە دەرخستەی بۆ کردووە و بەرزی کردووەتەوە بۆ وەزارەتی شارەوانی، بەنیازن لەسەر داهاتی شارەوانی ڕانیە پڕۆژەکە جێبەجێ بکەن و  ئاوەڕۆی لوولەیی بۆ گەڕەکی هەنجیرە دابنرێت.