فایلی خەڵک؛ دانیشتووانی ناحیەی مسیریک لە سێمێل داوای قیرتاوکردنی کۆڵانەکانیان دەکەن

ئاڤا نیوز

زۆرێک لە كۆڵانەكانی ناحیەی مسیریکێ لە قەزای سێمێل قیرتاو نەکراون و دانیشتووانەکەی لە چاوەڕوانی ڕێڕەوی ئاو و قیرتاوكردنن.

وێنە گەورەکە: زیاتر لە 10 ساڵە ژمارەیەکی زۆر لە كۆڵان و شەقامەكانی ناحیەی مسیریکێی سەر بە قەزای سێمێل لە دهۆك، لە چاوەڕوانی ڕێڕەوی ئاو و قیرتاوكردنن، خەڵكی ناحیەكە گلەییان هەیە و داوای چارەسەر دەكەن.

لێدوانی فەرمی: سەگڤان حوسێن، بەڕێوەبەری ناحیەی مسیریک بە ئاڤای ڕاگەیاند، ئێستا بودجەی تایبەت لەبەر دەستدا نییە، ئەگەر نا هەموو كۆڵانەكان ڕووپێوییان بۆ کراوە و لەگەڵ خەرجكردنی بودجەی پێویست هەرچی كۆڵان و شەقام هەیە قیرتاو دەكرێت و "هەوڵەكانمان بۆ دابینكردنی بودجەی پێویستیش بۆ پڕۆژەكە بەردەوامە".