فڕۆکەیەکی نەفەرهەڵگری ڕووسیا بە تێکشاوی دۆزرایەوە و سەرجەم سەرنشینانی گیان لەدەستداوە

ئاڤا نیوز

 

دەزگاکانی ڕاگەیاندنی ڕووسیا، ئەمڕۆ پێنجشەممە، بڵاویان کردەوە کە دەسەڵاتدارانی فڕۆکەوانیی مەدەنی پەیوەندییان لەگەڵ فڕۆکەیەکی نەفەرهەڵگردا پچڕاوە، ئەمەش لە ناوچەی ئامور لە دوورترین ناوچەی ڕۆژهەڵاتی ئەو وڵاتە ڕوویداوە، دوای کاتژمێرێک فڕۆکەکەک بە تێکشکاوی دۆزرایەوە و سەرجەم سەرنشینانی کە 49 کەس بوون، گیانیان لەدەستداوە.

زانیاریی بەدەستهاتوو: بەگوێرەی ئاژانسی (ئینتەرفاکس)ـی ڕووسی، فڕۆکەکە لە جۆری (AN-24) بووە و 49 کەسی هەڵگرتووە، بەپێی ئامارە سەرەتاییەکانی تیمەکانی فریاگوزاری، فڕۆکەکە دۆزرایەوە و  سەرجەم سەرنشینان کە 49 کەس بوون، گیانیان لەدەستداوە.

ئاژانسەکە ئاماژەی بەوەش کردووە، پەیوەندییەکە لە کاتی فڕینی فڕۆکەکە بە ئاسمانی ناوچەی ئاموردا پچڕاوە، بەبێ ئەوەی هۆکارەکانی پچڕانی پەیوەندییەکە ڕوون بووبێتەوە.

زانیاریی زیاتر: شایەنی باسە، فڕۆکەکانی (ئەی ئێن-24) بە مۆدێلێکی کۆنی سەردەمی سۆڤێت دادەنرێن و بۆ گواستنەوەی ناوخۆیی و هەرێمی لەناو ڕووسیا و هەندێک لە وڵاتانی ئاسیای ناوەڕاستدا بەکاردەهێنرێن.

لەلایەکی دیکە: تاکو ئێستا وەزارەتی گواستنەوەی ڕووسیا یان دەسەڵاتی فیدراڵیی فڕۆکەوانیی مەدەنی هیچ ڕاگەیەندراوێکی فەرمییان سەبارەت بە ڕووداوەکە دەرنەکردووە.