ئیسرائیل ڕێگەی بە چوونە ناوەوەی 70 بارهەڵگری هاوکاری بۆ ناو کەرتی غەززە دەدات

ئاڤا نیوز

سوپای ئیسرائیل چوونە ناوەوەی  70 بارهەڵگری هاوکاری مرۆیی و فریاگوزاری  بۆ ناو کەرتی  غەززە ڕادەگەیەنێت.

وێنە گەورەکە: قەیرانی برسێتی لە کەرتی غەززە گەیشتووەتە ئاستێکی مەترسیدار بەو هۆیەوە دەیان کەس گیانیان لەدەستداوە، بەرنامەی خۆراکی جیهانی دەڵێت، لە هەر سێ کەس لە کەرتی غەززە یەکێکیان بۆ ماوەی چەند ڕۆژێک بێ خواردن دەمێنێتەوە.

ڕاگەیێنراوی فەرمی: سوپای ئیسرائیل ڕایگەیاند، دوای ڕێنماییەکانی بەرپرسانی ئیسرائیل نزیکەی 70 بارهەڵگر کە هاوکاری مرۆییان هەڵگرتبوو لە ڕێگەی دەروازەیەکی باکوور و دەروازەیەکی  باشوور  دوای پشکنینی وردی ئەمنی چوونەتە ناو کەرتی غەززە.

لەلایەکی دیکەوە: ڕێکخراوی لێبوردنی نێودەوڵەتی هۆشداریدا لە پەیڕەوکردنی سیاسەتی برسیکردن لەلایەن ئیسرائیلەوە کە دەرئەنجامی کارەستباری بەدوای خۆیدا هێناوە و بە تاوانی جەنگی دانا.

زانیاریی زیاتر: میدیاکان ئاماژە بەوە دەکەن کە ژمارەی گیانلەدەستدان بەهۆی بەدخۆراکی و برسێتی گەیشتووەتە 115 کەس کە زۆربە یان منداڵن.