لە ڕێگای ڕانیە - چوارقوڕنە دوو کامێرای تۆمارکردنی تیژڕۆیی جێگیر دەکرێن

ئاڤا نیوز

ڕێگای دووسایدی نێوان ڕانیە و نا‌‌حیەی چوارقوڕنە لەماوەی شەش مانگی رابردوودا، زۆترین ڕووداوی هاتووچۆی لێ ڕووداوە. هاتووچۆی ڕانیەش پلانی جێگرکردنی کامێرا تیژڕۆیی هەیە لەو شوێنە. 

چیرۆکی سەرەکی: لە شەقامی سەرەکی نێوان ڕانیە و چوارقوڕنە، بە دیارکراوی نزیک لە مۆنۆمێنتی ڕاپەڕین ڕێگەیەکی پێچ هەیە کە درێژییەکەی نزیکەی 300 مەتر دەبێت، لەسەرەتای ئەمساڵەوە تائێستا ١٨ ڕووداوی هاتووچۆ ڕوویاندوە، هەمووی وەرگەڕان بووە.

لێدوانی فەرمی: عەلی عەبدوڵڵا، وتەبێژی پۆلیسی هاتووچۆی ڕاپەڕین بە ئاڤای ڕاگەیاند: لیژنەیەک بۆ لێکۆڵێنەوە لەو بابەتە پێکهێنراوە و دوو کامێرای تیژڕۆیی ئۆتۆمبێلیش هەر لەو شوێنە جێگر دەکرێن. 

هاوکات هێڵکاریش بۆ شەقامەکە دەکەین و ڕووناکیشی بۆ دابین دەکەین، بۆ ئەوەی بتوانین لە ڕێگەی ئەوەوە ڕووداوەکانی هاتووچۆ لەو شوێنە نەهێڵین.