پەرلەمانتارێکی بەرەی سوودانی: هەڵبژاردن لەوادەی خۆیدا ناکرێت

ئاڤا نیوز

لە پێشهاتێکی چاوەڕواننەکراودا ئەندامێکی هاوپەیمانیەتییەکەی سوودانی بەدووری دەزانێت هەڵبژاردن لەوادەی خۆیدا بەڕێوەبچێت، هۆکارەکەشی بۆ هەندێک ڕووداوی ئەمنیی گەڕاندەوە.

وێنە گەورەکە: بڕیارە 2025-11-11، هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت، بۆ ئەم مەبەستەش کۆمسیۆن بەپێی خشتەی ئامادەکارییەکانی هەڵبژاردن، دەستی بە جێبەجێکردنی ڕێکار و ئامادەکارییەکان کردووە.

ڕاگەیێنراوی فەرمی: حوسێن عەرەب، پەرلەمانتار لە فراکسیۆنی ئاوەدانکردنەوە و گەشەپێدان کە محەممەد شیاع سوودانی، سەرۆکوەزیرانی عێراق سەرۆکایەتی دەکات، بەدووری دەزانێت هەڵبژاردنەکانی خولی شەشەمی پەرلەمان لە وادەی دیاریکراوی خۆیدا بەڕێوەبچێت، هۆکارەکەشی بۆ هەندێک ڕووداوی ئەمنیی گەڕاندەوە کە پێشبینی دەکرێت ناوچەکە بەخۆیەوە بیبینێت.

زانیاریی زیاتر: ئەو ئەندام پەرلەمانە جەختیشی کردەوە، کە هاوپەیمانەتییەکەیان ڕووبەڕووی هەڵمەتێکی ناوزڕاندنی بەرنامەبۆداڕێژراو بووەتەوە، بەڵام سەرەڕای ئەوەش، سوودانی خاوەنی جەماوەرێکی فراوانە.