وەزارەتی نەوتی عێراق: داهاتی هەناردەکردنی نەوت لە مانگی ڕابردوودا نزیکەی حەوت ملیار دۆلار بوو

ئاڤا نیوز

وەزارەتی نەوتی عێراق بڕی نەوتی هەناردەکراو و داهاتەکەی لە مانگی ڕابردوودا ئاشکرا کرد، نزیکەی 100 ملیۆن بەرمیل نەوتی خاوی هەناردەکردووە کە داهاتەکەی نزیکەی حەوت ملیار دۆلار بوو.

ڕاگەیێنراوی فەرمی: ئەمڕۆ هەینی، وەزارەتی نەوتی عێراق ڕایگەیاند: بەپێی ئاماری کۆتایی کۆمپانیای بەبازاڕکردنی نەوتی عێراق (سۆمۆ) کۆی گشتیی بەهای هەناردەکردن و داهاتی نەوتی خاو لە مانگی حوزەیرانی ڕابردوو، بڕی 98 ملیۆن و 882 هەزار و 613 بەرمیل هەناردەکراوە، داهاتەکەش زیاتر لە شەش ملیار و 698 ملیۆن و 21 هەزار دۆلار بووە.

زانیاریی زیاتر: ئامارەکە ئاماژە بەوە دەکات، "کۆی بڕی هەناردەکراوی نەوتی خاو بۆ مانگی حوزەیران لە کێڵگە نەوتییەکانی ناوەڕاست و باشووری عێراق بڕی 97 ملیۆن و 718 هەزار و 994 بەرمیل بووە، لەکاتێکدا هەناردەی کێڵگەی قەیارە 946 هەزار و 741 بەرمیل بووە، هاوکات بڕی هەناردەکردن بۆ ئوردن 216 هەزار و 878 بەرمیل بووە.