لە سێ پارێزگای عێراق بەهۆی بەرزبوونەوەی پلەکانی گەرما کرایە پشووی فەرمی

ئاڤا نیوز

لە سێ پارێزگای عێراق بەهۆی بەرزبوونەوەی پلەکانی گەرمی، سبەی کرایە پشووی فەرمی و سێ پارێزگای دیکەش بڕیاری کەمکردنەوەی دەوامییان دا.

چیرۆکی سەرەکی: بەگوێرەی پێشبینییەکانی دەستەی کەشناسیی عێراق، پلەکانی گەرما لە پارێزگاکانی نەینەوا، دیوانییە، واست، ناسریە، موسەننا، میسان و بەسرە دەگاتە نیوەی کوڵان. بۆ ئەو مەبەستەش چەندین پارێزگا ڕێکاری خۆپارێزییان گرتووەتەبەر و بڕیاریان داوە سبەی بکرێتە پشوو.

ڕاگەیێنراوی فەرمی: بەگوێرەی ڕاگەیێنراوی نووسینگەی پارێزگاری بەسرە "پارێزگاری بەسرە سبەی، یەکشەممە، بەهۆی بەرزبوونەوەی پلەکانی گەرماوە بە پشووی فەرمی ڕادەگەیەنێت."

لە هەمان کاتدا: پارێزگاکانی زیقار و میسانیش هەمان بڕیاریان دەرکردووە و سبەی، یەکشەممە ڕێکەوتی 27ـی تەمموزی 2025، لە سەرجەم فەرمانگە و دامەزراوە حکومییەکانیاندا پشووی فەرمییە.

لەلایەکی دیکەوە: هەریەک لە پارێزگاکانی دیالە، بابل و سەڵاحەددین، بڕیاری کەمکردنەوەی کاتەکانی دەوامیان دا.

ئەوەی پێشبینی دەکرێت: پێشبینی دەکرێت ژمارەیەک پارێزگای دیکە هەر بەهۆی بەرزبوونەوەی پلەکانی گەرمی، سبەی بکەنە پشووی فەرمی لە سەرجەم فەرمانگە و دامەزراوە حکومییەکانیاندا.