بەهۆی تەشەنەکردنی ئاگری دارستەکانی تورکیا سەدان کەس ماڵەکانیان چۆڵدەکەن

ئاڤا نیوز

ماوەی پێنج ڕۆژە ئاگر بەرۆکی دارستانەکانی ناوچەی گورسو و کەستەل لە پارێزگای بۆرسەی تورکیایی گرتووەتەوە،  بەهۆی تەشەنەکردنی ئاگرەکەوە ژمارەیەکی زۆر لە گوندەکانی سنوورەکە چۆڵکران و خەڵکەکەی گوێزراونەتەوە بۆ ناوچەی سەلامەت.

چیڕۆکی سەرەکی: ماوەیەکە چەندین دارستانی ناوچەی جیاجیای تورکیا گڕیان گرتووە، دارستانی شارۆچکەکانی گورسو و کەستەل لە پارێزگای بۆرسەی تورکیا ماوەی چەند ڕۆژیەک دەسووتێت، شەوی ڕابردوو ئاگرەکە زۆر زیاتر تەشەنەی سەند و بەهۆیەوە چەندین گوند چۆڵکراون و بەهۆی بەهێزی با و خێرایی تەشەنەسەندنی مەترسی لەسەر دانیشتووانی ئەو ناوچانە دروستبووە.

ئەوەی ئێستا ڕوودەدات:  تیمەکان بەرگری شارشتانی لە هەوڵی بەردەوامدان بۆ کوژاندنەوەی ئاگر و کۆنتڕۆڵکردنی ناوچەکە.

زانیاریی بەدەستهاتوو: بەگوێرەی زانیاریی تیمەکانی بەرگریی شارستانیی بورسە،ئاگرەکە بەهۆی خێرایی با زۆر زیاتر تەشەنەی سەندووە و ڕووبەرێکی زۆری گرتووەتەوە.

ئەوەی لەبارەیەوە دەگوترێت: قایمقامیەتی بورسا لە بەیاننامەیەکدا ڕایگەیاند، هەزار و 765 کەس لە گوندەکانی باکووری ڕۆژهەڵات بە سەلامەتی چۆڵکراون، لەکاتێکدا زیاتر لە هەزار و 100 ئاگرکوژێنەوە بەرەنگاربوونەوەی بڵێسەی ئاگرەکە بوون بەهۆی سووتانی دارستانەکانی دەوروبەری، ڕێگای خێرا کە بورسا بە ئەنقەرەی پایتەختەوە دەبەستێتەوە داخران.