نرخی کارەبای مۆلیدە لە سلێمانی دیاری دەکرێت

ئاڤا نیوز

 

ئەمڕۆ یەكشەممە ڕێککەوتی 27-7-2025، لیژنەی باڵای دیاریکردنی نرخی کارەباى کۆمەڵگەکانى نیشتەجێبوون (سیتییەکان) کۆبووە و نرخی کیلۆواتی کارەبای مۆلیدەی بۆ مانگی حەوت دیاری کرد.

 

ڕاگەیێنراوی فەرمی: بەڕێوەبەرایەتیی گشتیی کارەبای سلێمانی ڕایگەیاند: بەگوێرەی نرخی گازوایل لە بازاڕ و ئەو توێژینەوەیەی بۆ خەرجی مۆلیدەی سیتییەکان ئامادە کراوە، نرخی کیلۆواتێک کارەباى مۆلیدەى سیتییەکان بۆ ئەم مانگە 239 دینارە.

 

- بۆ ئەو سیتییانە كە تاكە سەرچاوەی كارەبایان مۆلیدەیە و كارەبای نیشتمانیان نییە، نرخی كیلۆواتیان 223 دینارە.

 

زانیاریی زیاتر: پێویستە سەرجەم سیتیيەکانی سنووری پارێزگای سلێمانی پابەندی نرخەکە بن، بەپێچەوانەوە ئەگەر زیاتر لەو نرخە وەربگرن، ڕووبەڕووی ڕێکاری یاسایی دەکرێنەوە.

 

ئەوەی پێویستە بیزانیت: پرۆژەی ڕووناکی بۆ کارەبای 24 کاتژمێری لە سنووری سلێمانی لە فراوانبووندایە و ئێستا زیاتر لە 50 گەڕەک و شوێنی شارەکە کارەبای 24 کاتژمێرییان هەیە، لە داهاتووشدا سەرتاسەری شارەکە و دەوروبەریشی دەگرێتەوە.

 

بۆچی گرنگە: بە جێبەجێکردنی پرۆژەی ڕووناکی، هەزاران مۆلیدەی گەڕەکەکان دەکوژێندرێنەوە و گرفتی کارەبا نامێنێت، بەمەش کاریگەریی ڕاستەوخۆ و ئەرێنی لەسەر ژینگەی کوردستان دروست دەکات.