ئێران: تا دوو هەفتەی دیکە دەتوانین کەرەبا لە بەنداوی کەرەجەوە دابین بکەین

ئاڤا نیوز

بەڕێوەبەری بەنداوی کەرەج دەڵێت، بەم شێوەیە بڕوات دوو هەفتەی داهاتوو بەهۆی بێ ئاوی ئیتر توانای بەرهەمهێنانی کەرەبایان نامێنێت و ناتوانن کارەبا لە بەنداوەکە دابین بکەن.

چیرۆکی سەرەکی: لەگەڵ دروستبوونی قەیرانی گەورەی کەمئاوی لە ئێران و بە تایبەتی کە تاران پشکی شێری لەم قەیرانە بەرکەوتووە، بەڕێوەبەری بەنداوی کەرەج لە تاران کۆتاییهاتنی بەرهەمهێنانی کارەبای لە بەنداوەکە ڕاگەیاند.

لێدوانی فەرمی: محەممەد عەلی موعەلیم، بەڕێوەبەری بەنداوی کەرەج ڕایگەیاند: بەهۆی کەمبوونەوەی ئاو لە بەنداوەکەمان بۆ ئاستی خوار دەرچەکانی کە زۆر مەترسیدارە تا دوو هەفتەی دیکە دەتوانین کارەبا لەم بەنداوە بەرهەم بهێنین و دواتر دەوەستین، چونکە کارەبا کاتێک دەتوانێت بەرهەم بهێنریت کە ئاو لە سەروو دەرچەوە بێت، بەڵام بەداخەوە کە ئەم ئاستە لەم بەنداوە تەواو بووە.

لەلایەکی دیکەوە: پارێزگاری تاران ئەمڕۆ یەکشەممە ڕایگەیاند: بەهۆی ئەوەی 60%ـی ئاوی هاووڵاتیانی شارەکەمان لە ژێر زەوی دابین دەکەین هەندێ لە ناوچەکانی تاران زەوی زیاتر لە 31 سانتیمەتر نیشتوون و مەترسی ڕووچوونی لەناکاوی هەیە.