لە هەولێر خەڵاتی دانا ڕەئووف بە ژمارەیەک نووسەر و شانۆنامه‌نووسان دەبەخشرێت

ئاڤا نیوز

ئێوارەی ئەمڕۆ یەکشەممە لە هەولێر خەڵاتی دانا ڕەووف بۆ شانۆنامەی کوردی بە ژمارەیەک نووسەر و شانۆنامه‌نووسان بەخشرا.

چیرۆکی سەرەکی: ماوەی چوار ساڵە بە درووشمی "خەڵاتێک لە پێناوی شانۆ و شانۆنامەی کوردیدا" ناوەندی بڵاوکردنەوەی کەپر لە پێناوی برەودان بە نووسینی دەقی شانۆیی و هاندانی شانۆنامەنووساندا خەڵاتێکی ساڵانە پێشکەش دەکات. ئەمساڵیش قەڵای هەولێریان وەک شوێنی بەڕێوەچوونی ڕێوڕەسمەکە دەستنیشان کردووە.

ڕاگەیێنراوی فەرمی: ناوەندی بڵاوکردنەوەی کەپر ڕایگەیاند، ئەم خەڵاتە بۆ ئەو نووسەر و شانۆنامه‌نووسانه‌یه کە به ‌زمانی کوردی شانۆنامە دەنووسن.

- ته‌مه‌ن و شوێنی نیشته‌جێبوون گرنگ نین، هه‌موو که‌سێک ده‌توانێت به‌شدار بێت.

ئەوەی پێویستە بیزانیت: ئەم خەڵاتە ساڵانە لە هەمان کاتدا لە ڕێوڕەسمێکی شایستەدا دەبەخشرێت و ئەمساڵیش قەڵای هەولێریان وەک شوێنی بەڕێوەچوونی ڕێوڕەسمەکە دەستنیشان کردووە.

دانا ڕەئووف کێیە؟

هونەرمەند، دانا ڕەووف نووسەر و شانۆکار تەمەنێک خزمەتی بە هونەری شانۆ کردووە و لە بەشێک لە کارە شانۆییە گرنگەکاندا جێی دەستی دیارە نەک تەنها لە کوردستان، بەڵکو لە ئەوروپا و بە ناوی کوردەوە خزمەتێکی زۆری بە هونەری شانۆ کردووە.