کەمبۆدیا و تایلەند گفتوگۆ لەبارەی ئاگربەست دەستپێدەکەن

ئاڤا نیوز

هەوڵەکان بۆ ڕاگرتنی ناکۆکییە سنوورییەکانی نێوان تایلەند و  کەمبۆدیا بەردەوامە، وەزارەتی دەرەوەی ئەمریکا دەڵێت، ئەمڕۆ لە مالیزیا هەردوولا دەست دەکەن بە ئەنجامدانی گفتۆگۆیی ئاشتییانە بەمەبەستی ڕاگرتنی شەڕەکە.

چیڕۆکی سەرەکی: بۆ ماوەی چوار ڕۆژە شەڕ و پێکدادان لە نێوان هەردوو وڵاتی تایلەند و کەمبۆدیا بەردەوامە، گوشارەکان بۆ ئاگربەست زیاد بوون بەتایبەت دوای ئەوەی ترەمپ ڕایگەیاند، پەیوەندی بە سەرکردەی هەردوو وڵاتەوە کردووە و داوای لێکردوون کە دەستبەجێ ئاگربەست ڕابگەیەنن، ئەگەرنا پێناسی گومرگی قورسیان بەسەردا دەسەپێنێت.

لێدوانی فەرمی: مارکۆ ڕوبیۆ، وەزیری دەرەوەی ئەمریکا ڕایگەیاند، بەرپرسانی وەزارەتەکەی لە مالیزیان بۆ هاوکاریکردن لە هەوڵەکانی ئاشتی، چونکە بڕیارە ئەمڕۆ دووشەممە کەمبۆدیا و تایلەند گفتوگۆکان لەوێ دەستپێبکەن بە هیوای گەیشتن بە ئاگربەست، ئێمە دەمانەوێت ئەم ململانێیە بە زووترین کات کۆتایی پێبێت.

زانیاریی زیاتر: ڕوبیۆزیاتر وتی، لەگەڵ دۆناڵد ترەمپ، سەرۆکی ئەمریکا لە پەیوەندیدان لەگەڵ هاوتاکانیان لە هەر وڵاتێک و لە نزیکەوە چاودێری دۆخەکە دەکەن.

ژمارەکان وادەڵێن: لەم چەند ڕۆژەی گرژییەکاندا ژمارەی گیانلەدەستدان لەهەردوولا گەیشووەتە 35 کەس.