کەمبۆدیا بە بەکارهێنانی چەکی کیمیایی تایلەند تۆمەتبار دەکات

ئاڤا نیوز

شەڕی کەمبۆدیا و تایلەند پێ دەنێتە ڕۆژی پێنجەمەوە و کەمبۆدیا، تایلەند بە بەکارهێنانی چەکی کیمیایی لە هێرشەکانیدا تۆمەتبار دەکات.

چیرۆکی سەرەکی: ماوەی پێنج ڕۆژە شەڕ و پێکدادان لە نێوان هەردوو وڵاتی تایلەند و کەمبۆدیا بەردەوامە، تایلەند، کەمبۆدیا بەوە تۆمەتبار دەکات کە لە ناوچە جێناکۆکانی سەر سنووردا مینی چاندووە و لە ئێستا ئەمریکا هەوڵ دەدات ئاگربەستی ئاشتی لە نێوانیان ڕابگەیێنێت.

لێدوانی فەرمی: وتەبێژی وەزارەتی بەرگریی کەمبۆدیا ڕایگەیاند: ئەمڕۆ پێنجەمن ڕۆژی شەڕە و هێزەکانی تایلەند چەکی کیمیایی لە چەند ناوچەیەکی شەڕکردن بەدرێژایی سنووری کەمبۆدیا بەکارهێناوە و  تادێت هێزەکانی تایلەند چەکی قورس و مەترسیدار جێگیر دەکەن.

"ئەم کارانە هەڕەشەن بۆ سەر ئاشتی و ئارامی نێودەوڵەتی، پێشێلکردنی یاسا نێودەوڵەتییەکانە".