سەرتاشێکی ڕۆژئاوای کوردستان کارێکی جیاواز ئەنجام دەدات

ئاڤا نیوز

گەنجێکی ڕۆژئاوای کوردستان هونەر تێکەڵای پیشەی ڕۆژانەی خۆی دەکات و ئەمەش بووەتە هۆی ڕاکێشانی سەرنجی خەڵکی. 

چیرۆکی سەرەکی: ئیڤان عمر گەنجێکی دەنگی خۆشی ڕۆژئاوای کوردستان و ماوەی 13 ساڵەی کاری سەرتاشی لە هەرێمی کوردستان دەکات، ئەو گەنجە لەدایکبووی شاری دێرکە و ئەوەی ئەو لە هاوشێوەکانی جیا دەکاتەوە بەکارهێنانی هونەرە لە پیشەکەیدا. 

زانیاریی زیاتر: ئیڤان لەکاتی کاری ڕۆژانەیدا گۆرانی بۆ موشتەرییەکانی دەڵێت و دواتر لە سۆشیاڵ میدیای خۆیدا بڵاویدەکاتەوە و ئەمەش دەنگدانەوە زۆری لە سۆشیاڵ میدیادا بەدوای خۆیدا هێناوە.