فانتاستیک فۆر ڕیزبەندیی یەکەمی بۆکس ئۆفیسی ئەم هەفتەی گرتووە

ئاڤا نیوز

تەنیا لەماوەی سێ ڕۆژی یەکەمی نمایشیدا، فیلمی سینەمای فانتاستیک فۆر ڕیزبەندیی یەکەمی لیستی بۆکس ئۆفیسی ئەم هەفتەی گرتووە.

چیرۆکی سەرەکی: فیلمەکانی مارڤڵ و سوپەرهیرۆکان هەمیشە لە جیهاندا و بە تایبەتیش لە ئەمریکا بینەر و هەوادارێکی زۆریان هەیە، فانتاستیک فۆریش یەکێک لەو فیلمانەی کە هەوادارەکانی بە تامەزرۆییەوە چاوەڕوانیان دەکرد تا پەخش کرا.

 

زانیاریی زیاتر: لە بۆکس ئۆفیسی ئەم هەفتەیە فانتاستیک فۆر پلەی یەکەمی بەدەستهێنا، بە کۆکردنەوەی 118 ملیۆن دۆلار و توانی فیلمە زەبەلاحەکەی سوپەرمان بخاتە دوای خۆیەوە، چاوەڕوانیش دەکرێت تا نزیکەی سێ هەفتە بۆ مانگێک هەر لە پلەی یەکەمدا بمێنێتەوە.

ئەمەش بزانە: ئەم فیلمە سینەماییە دەرهێنانی مات شیکمانە و ئەکتەرە دیارەکانی فیلمەکەش پێدرو پاسکال، فێنیسیا کرۆبی، جۆزێف کۆئین ڕۆڵی سەرەکی تێدا دەگێڕن.