هۆزان دینۆ و خێرۆ عەباس "درەنگ نەیە" پێکەوە دەڵێنەوە

ئاڤا نیوز

هونەرمەندان، هۆزان دینۆ و خێرۆ عەباس پێکەوە گۆرانییەک دەڵێنەوە.

وێنە گەورەکە: شەوی ڕابردوو لە هەژماری تایبەتی خۆی لە تۆڕی کۆمەڵایەتی فەیسبووک هونەرمەندی گەورەی کورد، هۆزان دینۆ ڤیدیۆیەکی پۆست کردووە و تێیدا لەگەڵ هونەرمەندی گەورەی کورد، خێرۆ عەباس پێکەوەن و هەردووکیان ساز دەژەنن و گۆرانی دەڵێن.

ئەوەی پێویستە بیزانیت: هەردوو هونەرمەند گۆرانیی "درەنگ نەیە" دەڵێنەوە کە یەکێکە لە گۆرانییە بەناوبانگەکانی هۆزان دینۆ و پێشتر لە ئەلبوومی نامووس ساڵی 2017 بڵاویکردبووەوە.

ئەوەی لەم گۆرانییەدا جێی سەرنجە، ئەوەیە کە ئەم دوو هونەرمەندە خاوەنی دوو شێوازی جیاوازن لە گۆرانی وتن لەم گۆرانییەشدا کە پێکەوە دەیڵێنەوە هەریەکەیان بە شێوازی تایبەتی خۆی دەیڵێت.