ئەردۆغان: پرۆسەی ئاشتیی خەونی 86 ملیۆن کەسە لە تورکیا

ئاڤا نیوز

سەرۆککۆماری تورکیا لەبارەی پڕۆسەی ئاشتییەوە ڕایگەیاند: با کەس دوو دڵ نەبێت، ڕێگەیەکە و دەستمان پێکردووە، دەزانین چۆن بە دیموکراسی و ئابوورییەوەو بەرەو تورکیایەکی بەهێزی دەبەین. 

وێنە گەورەکە: دوای چەکدانانی یەکەم گرووپی پەکەکە لە 11ـی تەمموز، چاوەکان لەسەر پەرلەمانی تورکیان و قۆناغی نوێی پرۆسەی ئاشتی دەچێتە پەرلەمان، ئاڤا زانیوویەتی، ئێستا پارتە سیاسییەکان ڕێککەوتوون و لیژنەکە پێکهێنراوە، لێرە بەدواوە شەڕی مافە دەستوورییەکانی کورد لە پەرلەمانی تورکیا دەکرێت.

لێدوانی فەرمی: ڕەجەب تەیب ئەردۆغان، سەرۆککۆماری تورکیا پەیامێک لە بارەی پرۆسەی ئاشتییەوە بۆ گەلەکەی دەنێرێت و دەڵێت: پڕۆسەی ئاشتیی ڕێککەوتنێکی کۆماری تورکیا نییە، ئەم پرۆژەیە هی حکومەت و دەوڵەت و گەلێکە و  خەونی 86 ملیۆن کەسە لە تورکیا.

لە بەشێکی دیکەی قسەکانیدا ڕایگەیاند: تا کۆتایی ڕێگەکە برایەتی هەیە، ئاشتەوایی، ئارامی، بەرگەگرتن، ئیرادەیەک بۆ بوونیاتنانی داهاتوو بەیەکەوە هەیە. باش دەزانین بەرپرسیاریەتییەکەمان چەندە گەورەیە.

- ئۆپۆزسیۆن دەتوانێت بە پشتیوانیکردنی لەم پرۆسەیە کەفارەتی تاوانەکانی پێشووتری بداتەوە. کارکردن بۆ ئەم پرۆسەیە دەرفەتێکە بۆ پارتە ئۆپۆزسیۆنەکان بۆ ئەوەی هەڵەکانی ڕابردوویان چاک بکەنەوە.