نوێنەری نەتەوە یەکگرتووەکان: پێویستە وەک قەوارەیەکی دەستووریی و فیدراڵی مامەڵە لەگەڵ هەرێمی کوردستان بکرێت

ئاڤا نیوز

سەرۆکوەزیران مەسرور بارزانی پێشوازى له‌ نوێنه‌رى تایبه‌تیی سكرتێرى گشتيى نه‌ته‌وه‌ يه‌كگرتووه‌كان له‌ عێراق دەکات و تاوتوێی چەند پرسێکی گرنگ دەکەن. لەوانە پێویستی مامەڵەی دەستووریی لەگەڵ هەرێمی کوردستان وەک قەوارەیەکی فیدڕاڵی.

چیرۆکی سەرەکی: ئەمڕۆ سێشەممە 29-7-2025، سەرۆکوەزیران مەسرور بارزانى، پێشوازی لە محەممەد ئەلحەسان، نوێنه‌رى تایبه‌تیی سكرتێرى گشتيى نه‌ته‌وه‌ يه‌كگرتووه‌كان له‌ عێراق و سەرۆکی نێردەی (یۆنامی UNAMI) کرد.

 

ڕاگەیێنراوی فەرمی: ماڵپەڕی حکومەتی هەرێمی کوردستان ڕایگەیاند: تەوەری سەرەکی کۆبوونەوەکە جەختکردنەوە بوو لەسەر ڕێزگرتن و گەرەنتیکردنی مافە دەستووریی، شایستە داراییەکانی خەڵکی کوردستان و مامەڵەکردن لەگەڵ هەرێمی کوردستان، بەشێوەیەکی دادپەروەرانە وەک قەوارەیەکی دەستووریی و فیدراڵی.

گۆشەیەکی دیکەی دیمەنەکە: کۆتاییهێنان بە هێرشی تیرۆریستییانە بۆ سەر ژێزخانی وزەی هەرێمی کوردستان و گرتنەبەری ڕێکاری یاسایی بەرامبەر ئەنجامدەرانی پرسێکی دیکەی کۆبوونەوەکە بوو، هەروەها دووپات لە گرنگیی بەردەوامبوونی کارکردنی ئاژانسەکانی نەتەوە یەکگرتووەکان لە هەرێمی کوردستان کراوەتەوە.