دارایی عێراق دەرگای گواستنەوەی کاتی بۆ فەرمانبەرانی گومرگ دەکاتەوە

ئاڤا نیوز

وەزارەتی دارایی عێراق، دەرگای گواستنەوەی کاتی "تەنسیب"ـی فەرمانبەرانی سەرجەم وەزارەتەکانی بۆ دەستەی گشتیی گومرگ ڕاگەیاند.

نووسراوی فەرمی: بەپێی نووسراوێکی فەرمی، وەزارەتی دارایی داوای لە تەواوی وەزارەتەکان کردووە،  ناوی ئەو فەرمانبەرانەی بۆ بنێرن کە ئارەزووی کارکردنیان لە دەستەی گشتیی گومرگ بۆ ماوەی یەک ساڵ هەیە.

ئەوەی پێویستە بیزانیت: هەر لە نووسراوەکەدا، چەند مەرجێک بۆ پێشکەشکاران دیاری کراون، دیارترینیان ئەمانەن:

• پێویستە پێشکەشکار ڕەگەزی نێر بێت.

• پلەی وەزیفیی لە پلەی سێیەم زیاتر نەبێت و تەمەنی لە 45 ساڵ تێپەڕ نەکات.

• پێویستە خاوەنی پسپۆڕیی پەیوەندیدار بێت.

• لە ماوەی سێ مانگی یەکەمی، هەڵسەنگاندن بۆ فەرمانبەری گواستراوە دەکرێت، لە هەر کەمتەرخەمییەکدا کۆتایی بە تەنسیبەکەی دەهێنرێت.