ئاڤا ناوی شەش کۆچبەری دیکەی کورد لە زیندانەکانی لیبیا ئاشکرا دەکات

ئاڤا نیوز

 

شەش گەنجی دیکەی کورد کەوتوونەتە نێو زیندانەکانی لیبیا و ئاڤا میدیا ناوەکانیان بڵاو دەکاتەوە. هاوکات بەگوێرەی زانیارییەکان ئەو گەنجانە لە نزیک لە تەرابلوس دەستگیر کراون و دواتر خراونەتە زیندانەوە.

 

وێنە گەورەکە: لیبیا بووەتە یەکێک لە ڕێڕەوەکانی گەیشتن بە وڵاتانی ئەورووپا بە ڕێگای نایاسایی، بەشێک لە گەنجانی هەرێمی کوردستان و وڵاتانی دیکەی ناوچەکە بۆ گەیشتن بە کەناراوەکانی ئیتاڵیا ڕێگای ئەو وڵاتە بەکاردەهێنن، بەڵام لەلایەن هێزە ئەمنییەکان دەستگیر دەکرێن و ڕووبەڕووی دۆخی نەخوازراو، ئەشکەنجەدان و بارودۆخی سەختی مرۆیی دەبنەوە.

 

زانیاریی بەدەستهاتوو: ئاڤا میدیا زانیویەتی لە ڕۆژانی ڕابردوودا، شەش گەنجی دیکەی کورد لە کەناراوەکانی میسراتەی لیبیا و نزیک لە تەرابلوس دەستگیر کراون، دواتر خراونەتە زیندانەوە.

 

ئەوەی پێویستە بیزانیت: ئاڤا میدیا وێنەیەکی پاسپۆرتی ئەو شەش گەنجەی دەستکەوتووە و  ناوەکانیان بڵاویان دەکاتەوە. ئاڤا داوا لە کەسوکاریان دەکات پەیوەندیمان پێوە بکەن:

1-محەممەد عەلی محەممەد
2-محەممەد ئەبوبەکر عەبدولڕەحمان
3-شکۆ حەکیم ڕەشید
4-یاردین عەبدوڵڵا باهۆمەر
5-ئاکام پیرۆت وسو
6-پێشرەو ماڵ ماڵ وسو