لە کەرکووک ڕێوڕەسمێک بۆ یادی عەلی مەردان بەڕێوەدەچێت

ئاڤا نیوز

لە کەرکووک ڕێوڕەسمێکی شایستە بۆ یادی 44 ساڵەی کۆچی دوایی هونەرمەند عەلی مەردان بەڕێوەدەچێت.

وێنە گەورەکە: کۆمەڵەی هونەر و وێژەی کوردی لە کەرکووک ئێوارەی ئەمڕۆ لە مەراسیمێکی شایستەدا بە سەرپەرشتی مەکتەبی ڕێکخستی پارێزگای کەرکووک-گەرمیانی پارتی دیموکراتی کوردستان، یادی 44 ساڵەی کۆچی دوایی هونەرمەند عەلی مەردان بە ناونیشانی "عەلی مەردان پاشان مەقام" ڕێک دەخات.

ئەوەی پێویستە بیزانیت:

عەلی مەردان چۆن باسی مەقاماتی کردووە؟

عەلی مەردان لە بارەی مەقاماتەوە دەڵێت، مەقاماتی کوردی سەرچاوەیەکی کوردی دەوڵەمەندە بۆ هونەری مۆسیقا و گۆرانی گەلانی ناوچەکە. دەشڵێت، "بۆ گوزەرانی ژیانم، بەپای پەتی و سەری کۆتەوە، جوتیاری و شوانی و گاوانیم کردووە".

عەلی مەردان دەڵێت، "لە شاری بەغداد بووم بە هاوڕێی مورتەزاخانی ئیسفەهانی و ئەسغەری هەمەدانی و محەممەد سەعیدی سابڵاغی و زۆر شت لەوانەوە فێربووم، چل شەویش لەگەڵ سەید عەلی ئەسغەری کوردستانی یەکمان گرت، بەڵام زۆر هونەرمەندانە پێکەوە ژیاین".

ئەو ڕێبازە هونەرییەی عەلی مەردان لە مەقاماتی کوردیدا دەستیپێکرد، بە جۆرێک بوو کە بەشێک لە هونەرمەندانی ئێستاش بە یادی عەلی مەردانەوە و مەقامە کوردییەکان دەڵێنەوە.

ئەوەی پێویستە بیزانیت: عەلی مەردان لە ساڵی 1904 لە کەرکووک ژیانی دەستپێکرد، هەشت ساڵی ژیانی لە کەرکووک بەڕێکردووە. دواجار لە ساڵی 1981 کۆچی دوایی  کرد و هەر لە کەرکووک بە خاک سپێردرا.