وەزیری دەرەوەی سووریا: پەیوەندییەکانى دیمەشق و مۆسکۆ بە قۆناغێکى مێژووییدا تێپەڕدەبن

ئاڤا نیوز

وەزیرى دەرەوەى سووریا و هاوتا ڕووسییەکەی دووپاتییان کردەوە خوازریارن پەیوەندییەکانیان بەرەوە ئاراستەیەکی باش و بەسوود ببەن.

چیرۆکی سەرەکی: ڕۆژی پێنجشەممە، 2025-07-31، ئەسعەد شەیبانی، وەزیری دەرەوەی سووریا لەگەڵ سێرگی لاڤرۆڤ، هاوتا ڕووسییەکەی لە مۆسکۆ کۆبووە و لە کۆنگرەیەکی ڕۆژنامەوانیدا، هەردوو لا جەختییان لە پتەوکردنی پەیوەندییە دووقۆلییەکان و هاوکارییەکانی نێوانیان کردەوە.

لێدوانە فەرمییەکان:

ئەسعەد شەیبانی، وەزیری دەرەوەی سووریا رایگەیاند: لە ئێستادا سووریا بە قۆناغێکدا تێپەڕدەبێت کە پڕە لە ئاڵنگاری و  لەم قۆناغەدا دەمانەویت ڕووسیا لە تەنیشتمان بوەستێت.

لاپەڕەیەکى نوێ لە پەیوەندییەکانى دیمەشق و مۆسکۆ لەسەر بنەمای ڕێزگرتن و هاوکاری دەستپێدەکات.

سێرگی لاڤرۆڤ، وەزیری دەرەوەی ڕووسیا ڕایگەیاند: لەگەڵ دەسەڵاتدارانی دیمەشق پێداچوونەوە بە هەموو رێککەوتن و پەیوەندییەکان دەکەینەوە.

پشتگیری لە یەکپارچەیی و سەروەری خاکی سووریا دەکەین و داوا دەکەین دەستبەجی هەلگرتنی سزاکانی سەر سووریا جێبەجێ بکرێت، هاوکات نیازی وڵاتەکەی بۆ سەردانیکردنی ئەحمەد شەرع، سەرۆکی سووریا بۆ رووسیا نیشاندا.