کارەبای پڕۆژەی ڕووناکی دەگاتە ئیدارەی ڕاپەڕین

ئاڤا نیوز

لە سنووری ئیدارەی ڕاپەڕین ئامادەکاری دەکرێت بۆ گەیاندنی کارەبای ڕووناکی بەو سنوورە و لە ئێستادا تیمەکانی کارەبا سەرقاڵی ڕووپێوی و چاکسازین. 

چیرۆکی سەرەکی: کارەکانی پڕۆژەی ڕووناکی ڕۆژ بە ڕۆژ فراوانبوونی زیاتر بەخۆیەوە دەبینێت، لە ئێستادا هەزاران هاووڵاتی سوودمەندبوون لەو پڕۆژەیە و ئێستا لە ئیدارەی ڕاپەڕینیش دەست بە ئامادەکاری بۆ گەیشتنی ئەو کارەبایە کراوە. 

زانیاریی زیاتر: تیمی کارەبای ڕانیە ئێستا سەرقاڵی دووبارە چاکسازی کردنن لە محاویلەکانی کارەبا و پەیوەستکردنی تۆڕەکانی کارەبای ئەو سنوورە بە پڕۆگرامی جی ئای ئێسەوە، تاوەکو کۆتایی ئەمساڵ قۆناغی تاقیکردنەوە تێپەڕێنێت. 

لێدوانی فەرمی: عەلی محەممەد، بەڕێوەبەری گشتیی کارەبای ڕاپەڕین بە ئاڤای ڕاگەیاند: ئێستا 95٪ هاوبەشانمان پێوەری زیرەکیان بەستووە و ئەمەش کار ئاسانییەکی زۆر باشە بۆ کارەبای 24 کاتژمێری و لەگەڵ تیمی پڕۆژەی ڕووناکی لەسەر هێڵین. 

لەو سنوورە 110 هەزار هاوبەشی کارەبا هەن و لەو ژمارەیەش 94 هەزاریان پێوەری زیرەکیان بەستوە.