چین هۆشداری لە سیاسەتی بازرگانیی ئەمریکا دەدات

ئاڤا نیوز

چین ڕایگەیاند سیاسەتە بازرگانییەکانی دۆناڵد ترەمپی سەرۆکی ئەمریکا لە بەرژەوەندیی هیچ لایەکدا نین.

وێنە گەورەکە: ترەمپ زیادکردنی باجی گومرکی لەسەر نزیکەی 70 وڵات ڕاگەیاند ئەمەش زیاتر وەکو گوشارێکی سیاسی سەیر دەکرێت.

لێدوانی فەرمی: گۆ جیاکون، گوتەبێژی وەزارەتی دەرەوەی چین، ڕایگەیاند: هەڵوێستی ڕوون و بەردەوامی چین ئەوەیە کە دژی سەپاندنی باجە گومرکییەکانە. چین پێی وایە لەم شەڕە بازرگانییەدا هیچ لایەک براوە نییە.

زانیاریی زیاتر: ترەمپ بە پاساوی جیاواز باجی گومرکی بۆ سەر وڵاتان زیاد دەکات. بە تۆمەتی پشتیوانیکردن لە فەلەستین باجی 35٪ـی خستووتە سەر کەنەدا.