لە دوو دەروازەی عێراق هەزاران زیارەتکاری ئێرانی بۆ عێراق هاتوون

ئاڤا نیوز

بەگوێرەی دوایین ئامار، لەسەرەتای مانگی سەفەرەوە تاوەکو شەشی هەمان مانگ نزیکەی پەنجا هەزار زیارەتکاری ئێرانی لەڕێگەی هەردوو دەروازەی چەزابە و شەلامچە هاتوونەتە ناوخۆی عێراق.

وێنە گەورەکە:  ساڵانە بەبۆنەی چلەی "شەهیدکردنی" ئیمام حوسێن ملیۆنان زیارەتکاری عێراقی و بیانی سەردانی مەزارگەی ئیمام حوسێن لە شاری کەربەلا و مەزارگەی ئیمامی عەلی لە شاری نەجەف دەکەن، بۆ ئەو مەبەستەش سەرجەم دامودەزگا ئەمنی و خزمەتگوزارییەکانی عێراق بە تەواوی دەکەونە ئامادەباشییەوە.

لێدوانی فەرمی: عەبدولحوسێن حەیدەری، بەڕێوەبەری دەروازەی چەزابە، ڕایگەیاند: لە یەکی مانگی سەفەرەوە تاوەکو شەشی هەمان مانگ، 49 هەزار و 737 زیارەتکاری ئێرانی هاتوونەتە نێو خاکی عێراق.

زانیاریی زیاتر: حەیدەری ئاماژەی بەوەشکرد،  هاتنی زیارەتکاران لەسەرەتای مانگی سەفەرەوە تاوەکو ئێستا  بەراورد بە هەمان ماوەی ساڵی ڕابردوو، بە ڕێژەی 13% زیادی کردووە، و ئەم گەشەکردنە ئاماژەیە بۆ پێشوازیی زیاتری زیارەتکاران لە دەروازەی چەزابە.

ئەوەی پێویستە بیزانیت: چلەی ماتەمینی ئیمام حوسێن دەکەوێتە ڕۆژی 20ـی سەفەری 1447ـی کۆچی، کە بۆ ئەمساڵ بەپێی هەندێک لێکدانەوەی فەلەکی ڕێککەوتی 12 یان 14ـی ئاب دەبێت .