ئۆتۆمبێلێک بە سێ سەرنشینەوە دەکەوێتە ناو دەریاچەی دووکان

ئاڤا نیوز

ئەمشەو لە قەزای دووکان، ئۆتۆمبێلێکی جۆری ئەڤەلۆن کە سێ گەنجی تێدابووە، کەوتووەتە ناو دەریاچەی دووکان، بەوتەی قایمقامی دووکان سەرنشینانی ئۆتۆمبێلەکە سەلامەتن.

لێدوانی فەرمی: سیروان سەرحەد، قایمقامی قەزای دوكان بە ئاڤای ڕاگەیاند، ڕووداوەکە ئەمشەو ڕوویداوە، بەرامبەر هۆتێل ئاشوور ئۆتۆمبێلێک کە سێ گەنجی تێدا بووە، لە کاتی گەڕانەوەیان، شۆفێری ئۆتۆمبێلەکە لە دەستی وەریدەگرێ و کەوتووەتە ناو دەریاچەی دوکانەوە، هەرزوو توانراوە گەنجەکان ڕزگار بکرێن.

زانیاریی پەیامنێر: ژیوار عەبدولرەحمان پەیامنێری ئاڤا دەڵێت، ئۆتۆمبێلێكی جۆری ئەڤەلۆن كە سێ گەنجی تێدا بووە، كەوتووەتە ناو دەریاچەی دوكان، سێ گەنجەكە سەلامەتن و تیمەکانی بەرگری شارستانی هەوڵی دەرهێنانی ئۆتۆمبێلەکە دەدەن.