ئەمریکا و ناتۆ هەوڵ دەدەن بە بڕی 10 ملیار دۆلار چەک بۆ ئۆکراینا دابین بکەن

ئاڤا نیوز

سێ سەرچاوەی ئاگادار لە ئەمریکا و ناتۆ ئاشکرایان کردووە،  هەردوولا کار لەسەر ڕێوشوێن و میکانیزمێکی نوێ دەکەن بۆ دابینکردنی چەک بۆ ئۆکراینا.

زانیاریی بەدەستهاتوو: ئاژانسی ڕۆیتەرز لە سێ سەرچاوەی ئاگادار لە ئیدارەی ترەمپ بڵاویکردووەتەوە، ئەمریکا و ناتۆ بە بەکارهێنانی پارەی وڵاتانی ناتۆ دەیانەوێت چەکی زیاتر  بۆ ئۆکراینا دابین وەک هاوکارییەک لە شەڕی ڕووسیا.

ئەوەی لەبارەیەوە دەگوترێت: بەرپرسێکی ئەوروپی ڕایگەیاند، هەریەکە لە وڵاتانی ناتۆ بەنیازن لەڕێگەی ئەم میکانیزمەوە بە بەهای 10 ملیار دۆلار چەک بۆ ئۆکراینا دابین بکەن بەبێ ئەوەی کات بۆ ئەم پڕ چەکردنە دیار بکرێت.

ئەوەی پیویستە بیزانیت: ئەم هەوڵەی ئەمریکا و ناتۆ لە کاتێکدایە، سەرۆکی ئەمریکا ماوەی 10 ڕۆژی وەک مۆڵەت بۆ پووتین داناوە بۆ ڕازیبوون بە ئاگربەست لە ئۆکراینا.