گوڵەبەڕۆژەی دەشتی بیتوێن بۆ کارگەکانی چەرەسات هەناردە دەکرێت

ئاڤا نیوز

جووتیارانی دەشتی بیتوێن بە هیوایەکی زۆرەوە دەستیانکردووە بە کۆکردنەوەی بەرهەمی ئەمساڵیان، بەڵام کەمئاویی کاریگەری لەسەر کەمبوونەوەی ڕێژەی بەرهەمیان هەبووە. 

چیرۆکی سەرەکی: ساڵانە لە وەرزی هاوین جووتیارانی دەشتی پشدەر و بیتوێن، سەرقاڵی کۆکردنەوەی بەرەوبوومی داچێنراویان دەبن، گوڵەبەڕۆژەش یەكێک لەو بەرهەمانەیە کە ساڵانە نزیکە 1500 دۆنم زەوی کشتوکاڵی داگیر دەکات. 

لێدوانی فەرمی: هیوا یەکێک لەو جووتیارانەیە کە بژێوی ژیانی لەسەر ئەو پیشەیە و دەڵێت: کەمئاوی ئەمساڵ کاریگەری هەبووە لەسەر کەمبوونەوەی ڕێژەی بەرهەمی گوڵەبەڕۆژە. 

خالید ئەحمەد، بەڕێوەبەری کشتوکاڵی ڕاپەڕین دەڵیت: بەهۆی بەپیتی خاکی ناوچەکەمان و باشی جۆری گوڵەبەڕۆژەکەیەوە، هانی جووتیاران دەدەین ڕووبەری زیاتر دابچینن.