مووچەی مانگی هەشتی خانەنشینانی عێراق دابەش دەکرێت

ئاڤا نیوز

لەکاتێکدا تاوەکو ئێستا وەزارەتی دارایی عێراق مووچەی مانگی شەشی فەرمانبەرانی هەرێمی کوردستانی خەرج نەکردووە،  سبەی یەکشەممە دەست بە دابەشکردنی مووچەی مانگی ئابی خانەنشینانی عێراق دەکرێت.

زانیاریی بەدەستهاتوو: سەرچاوەیەک لە دەستەی گشتیی خانەنشینیی عێراق، ئەمڕۆ شەممە 2025-08-02، ڕایگەیاند: سبەی یەکشەممە مووچەی مانگی ئابی سەرجەم خانەنشینانی عێراق دابەش دەکرێت و دەچێتە سەر هەژماری بانکییەکانیانەوە.

زانیاریی زیاتر: سەرچاوەکە جەختی لەوەشکردەوە: پاداشتی کۆتایی خزمەتی خانەنشینانی نوێش، دوای دابەشکردنی مووچەی ئەم مانگەی فەرمانبەران خەرج دەکرێت.