سەرۆکی پێشووی هەواڵگری سەربازی ئیسرائیل: ئیسرائیل لە شکستێکی گەورە نزیک دەبێتەوە

ئاڤا نیوز

سەرۆکی پێشووی هەواڵگری سەربازی ئیسرائیل لەبارەی جەنگی ئیسرائیل لەگەڵ حەماس ڕایدەگەیێنێت، ئیسرائیل نزیک دەبێتەوە لە دۆڕان و شکستێکی گەورە و دووچاری پێشهاتی پێشبینی نەکراو دەبێتەوە.

وێنە گەورەکە: ماوەیەکە ئیسرائیل ڕێگەی چوونە ناوەوەی هاوکارییە مرۆییەکانی بۆ ناو غەززە قەدەغە کردووە و بەوەش بەشی هەرە زۆری وڵاتانی هێنایە سەر هێڵ، لەلایەکی دیکەشەوە بەهۆی ئەو کارەی ئیسرائیل بەشێکی وڵاتان هاوکاریی مرۆییان گەیاندە غەززە، بەڵام ئەمریکا  و ئیسرائیل حەماسیان بەوە تۆمەتبار کرد کە هاوکارییەکان دەدزێت و خەڵکی غەززە دووچاری سەختی تووند بوونەوە بەهۆی برسیەتییەوە و بە دەیان کەس گیانیان لەدەست بە هۆی نەبوونی خۆراکەوە.

لێدوانی فەرمی: ئامۆس یادلین، سەرۆکی پێشووی هەواڵگری سەربازی ئیسرائیل، ڕایدەگەیێنێت، ئیسرائیل بەهۆی کارە نامرۆڤانەییەکانی و بەتایبەتیش قەدەغەکردنی چوونە ناوەوەی هاوکارییە مرۆییەکان، بەرەو ئایندەیەیێکی لێڵ و نادیار دەڕوات، وتیشی، ئیسرائیل لە شکستێکی گەورە نزیک دەبێتەوە.

ئامۆس یادلین ئاماژەی بەوەش داوە، وڵاتان دان بە دەوڵەتی فەڵەستینی دەنێن و هۆشدارییەکان بۆ ئیسرائیل زیادی کردووە، بەڵام حکومەتەکەی نەتانیاهۆ گوێ بە هۆشدارییەکان نادات و بەردەوامە لە ئۆپەراسیۆنەکانی.

لەلایەکی دیکەوە: باڵیۆزی ئەمریکا لە ئیسرائیل، مایک هەکابی، ڕایگەیاند: ئەگەر ئیسرائیل جینۆساید لە غەززە بکات ئەوە تووشی شکست دەبێتەوە، هیچ وڵاتێکیش وەکو ئەمریکا هەنگاوی جددی نەناوە بۆ ئەوەی بەئامانجگرتنی خەڵکی سڤیل کەمبکاتەوە.

زانیاریی زیاتر: لە سەرەتای 7ــی ئۆکتۆبەری 2023ـەوە تاوەکو ئێستا زیاتر لە 10 وڵات دانیان بە دەوڵەتی فەڵەستین ناوە و  کەنەدا، فەرەنسا، ماڵتا و بەریتانیا هەڕەشە لە ئیسرائیل دەکەن ئەگەر بەمشێوەیە خەڵکی غەززە بکرێنە قوربانی ئەوە دان بە دەوڵەتی فەڵەستین دەنێنن.