سەرمایەی بەگەڕخراو لە پڕۆژەكانی نیشتەجێبوونی هەرێمی كوردستان زیاتر لە 33 ملیار دۆلارە

ئاڤا نیوز

لە ماوەی 19 ساڵی ڕابردوودا، دەستەی گشتیی وەبەرهێنانی هەرێمی كوردستان، مۆڵەتی بە 266 پرۆژەی نیشتەجێبوون داوە كە سەرمایەی كۆی پرۆژەكان، 33 ملیار و 488 ملیۆن دۆلارە.

وێنە گەورەكە: دوای پرۆسەی ئازادكردنی عێراق، پشتگیری و كارئاسانییەكانی دەستەی وەبەرهێنانی هەرێمی كوردستان لەڕێگەی دەرچوواندنی یاسای وەبەرهێنان و هاندانی كۆمپانیا ناوخۆیی و بیانییەكان بۆ ئاوەدانكردنەوەی هەرێمی كوردستان، هۆكار بوون بۆ ڕاكێشانی زۆرترین دەستی وەبەرهێنان لە سێكتەرە جۆراوجۆرەكاندا، زۆرترین مۆڵەتی وەبەرهێنانیش، دراوەتە پرۆژەكانی نیشتەجێبوون.

لێدوانی فەرمی: بەرگەشت ئاكرەیی، وتەبێژی دەستەی وەبەرهێنانی هەرێمی كوردستان بە ئاڤای ڕاگەیاند، لەماوەی 19 ساڵی ڕابردوودا، 266 پرۆژەی نیشتەجێبوون لە سەرانسەری هەرێمی كوردستان مۆڵەتیان پێ دراوە و بەشێكی زۆری ئەو پرۆژانەش جێبەجێ كراون.

زانیاریی زیاتر: وتەبێژی دەستەی وەبەرهێنان ڕوونیشی كردەوە، سەرمایەی كۆی پڕۆژەكانی نیشتەجێبوون بە 33 ملیار و 488 ملیۆن دۆلار مەزەندە دەكرێت.