لە دهۆک پارکێکی گەورە لەسەر ڕووبەری 48 دۆنم زەوی دروست دەکرێت

ئاڤا نیوز

گەورەترین پارک لە شاری دهۆك دەكرێتەوە و زیاتر لە 50 هەزار داری تێدا دەچێنرێت.

پارکی سەرهەڵدان لە دهۆک بە جوانترین پارکی دەڤەری بادینان هەژمار دەکرێت و لەسەر رووبەری 48 دۆنم زەوی  دروست کراوە.

لێدوانی فەرمی: سەلاح محەممەد، سەرپەرشتی پرۆژەی پارکی سەرهەڵدان بە رۆژهات لوقمان پەیامنێری ئاڤای وتوە: ساڵی ڕابردوو، سەرۆکوەزیران مەسرور بارزانى بەردى بناغەى ئەم پارکەی دانا، ماوەی کارکردنی ئەم پارکە دوو ساڵ بوو، بەڵام لەلایەن کۆمپانیەکی ناوخۆیی تەنیا لە ساڵێکدا کارەکان تەواو کران، ئێستا 100% کارکردن لە پارکەکە تەواو بووە.

ئەوەی پێویستە بیزانیت: لە پارکەکەدا یاری منداڵان، شوێنی دانیشتن، یاریگای گەنجان، مزگەوت نافوورەی زۆر جوان هەیە و بەم نزیکانە بەڕووی هاووڵاتیان دەكرێتەوە.