د. هێمن میرانی: ڕەزامەندی حکومەتمان لەبارەی دامەزراندنی پۆلیسی گەشتیاری هەیە

ئاڤا نیوز

وەزارەتی ناوخۆی حکومەتی هەرێمی کوردستان، لەبارەی دامەزراندنی پۆلیسی گەشتیاری دەڵێت 'ڕەزامەندی حکومەتمان لەوبارەیەوە هەیە'.

لێدوانی فەرمی: د.هێمن میرانی، بەڕێوەبەری دیوانی وەزارەتی ناوخۆی حکومەتی هەرێمی کوردستان بە ئاڤا میدیای ڕاگەیاند: ڕەزامەندی حکومەتمان هەیە، بەڵام لەبەر ئەو ڕێککەوتنەی لەگەڵ بەغدا هەمانە، ناتوانین ناویان لە لیستی مووچەدا زیاد بکەین.

بەڕێوەبەری دیوانی وەزارەتی ناوخۆ وتیشی: تاوەکو کۆتایی ساڵی 2025 هیچ شتێک لەبارەی دامەزراندنی ئەو پۆلیسانەوە نییە.

باکگراوند: ڕۆژی 18-12-2023، سەرۆکوەزیران مەسرور بارزانی، بڕیاری دامەزراندنی 165 پۆلیسی گەشتیاری بەشێوەی گرێبەست لە سەرجەم شارەکانی هەرێمی کوردستان دەرکرد، تاوەکو ئێستا ئەم بڕیارە نەچووەتە بواری جێبەجێکردنەوە، بۆیە ئەو کەسانە داوای یەکلایکردنەوەی چارەنووسیان دەکەن.