ڕووسیا و چین مانۆڕێکیان بۆ "لەناوبردنی ژێردەرییەکانی دوژمن" ئەنجام دا

ئاڤا نیوز

هێزە دەرییایەکانی ڕووسیا و چین مانۆڕ و ڕاهێنانێکی سەربازیی هاوبەشیان بۆ ڕاوەدوونان و لەناوبردنی "ژێردەریاییەکی دوژمن" ئەنجام دا.

 

وێنە گەورەکە: دوای ئەوەی دۆناڵد ترەمپ، سەرۆکی ئەمریکا جوڵەپێکردنی دوو ژێر دەریایی هەڵگری چەکی ئەتۆمی بۆ نزیک سنورەکانی ڕووسیا ڕاگەیاند و هەڕەشەی ناچارکردنی ڕووسیای کرد بۆ ڕاگرتنی جەنگ، وەزارەتی بەرگریی ڕووسیا ئەنجامدانی مانۆڕێکی سەربازیی هاوبەش لەگەڵ چین ڕادەگەیەنێت.

 

بڵاوکراوەی فەرمی: وەزارەتی بەرگریی ڕووسیا لە بڵاوکراوەیەکی فەرمیدا ئەمڕۆ چوارشەممە ڕایگەیاند: هێزە دەریاییەکانی ڕووسیا و چین لە دەریای ژاپۆن ڕاهێنانیان لەسەر ڕاوەدوونان و لەناوبردنی ژێردەریاییەکی دوژمن کردووە، لە ڕاهێنانەکە سەربازییەکەدا فڕۆکەی دژە ژێردەریایی چینی لە جۆری Y-8 و فڕۆکەکانی Il-38ـی سەر بە کەشتیگەلی ڕووسی لە زەریای هێمن، لەگەڵ تیمەکانی هێلیکۆپتەر بەشدارییان کردووە.

 

وەزارەتی بەرگریی ڕووسیا گوتیشی، لە ئەنجامی کردەوە هاوبەشە کاریگەرەکاندا "ژێردەریاییەکانی دوژمن" بە خێرایی دۆزراونەتەوە و وەک تاقیکردنەوەیەک لەناوبران.

ئەوەی پێویستە بیزانیت: دۆناڵد ترەمپ، سەرۆکی ئەمریکا ڕایگەیاندبوو کە فەرمانەکەی بۆ جوڵاندنی ژێردەریاییەکان لە هەینی ڕابردوودا، لە وەڵامی لێدوانەکانی دیمیتری مێدڤیدیڤ، سەرۆکی پێشووی ڕووسیا بوون سەبارەت بە مەترسیی هەڵگیرسانی جەنگ لە نێوان ئەمریکا و ڕووسیا.