یەکێک لە کوژراوەکانی بەنزینخانەکەی هەولێر پاڵەوانی لەشجوانی عێراق بوو

ئاڤا نیوز

یەکێتیی لەشجوانی عێراق دەڵێت، لە ڕووداوەکەی شەوی ڕابردووی شاری هەولێر، یەکێک لە کوژراوەکان ناوی حەموودی ڕیازە و لەئاستی عێراق پاڵەوانی یاری لەشجوانی بووە.

چیرۆکی سەرەکی: شەوی ڕابردوو لە بەنزینخانەیەک لەسەر ڕێگەی کەسنەزان لە شاری هەولێر، کارمەندی بەنزینخانەکە لەگەڵ شۆفێر و سەرنشینی ئۆتۆمبێلێک بووەتە دەمەقاڵێیان، دواتریش لەلایەن کارمەندی بەنزینخانەکەوە تەقەکراوە و لە ئەنجامدا شۆفێر و سەرنشینەکە و هاووڵاتییەکی دیکەش کە پەیوەندی بە ڕووداوەکەوە نەبووە، کوژراون.

ڕاگەیێنراوی فەرمی: یەکێتیی لەشجوانی عێراق لە ڕاگەیێنراوێکدا باسی لەوەکردووە، حەموودی ڕیاز پاڵەوانی لەشجوانی عێراق یەکێکە لە کوژراوەکانی ڕووداوەکەی شەوی ڕابردووی شاری هەولێر، بۆ رووداوەکەش سەرەخۆشی لە سەرجەم ئەندامانی یەکێتییەکە و کەسوکارەکەی دەکەن.