کۆمیسیۆن بانگهێشتی لایەنەکان دەکات بۆ ئامادەبوون لە پرۆسەی پێدانی ژمارە

ئاڤا نیوز

وەک هەنگاوێک بۆ دڵنیابوون لە شەفافییەتی پرۆسەکە، کۆمیسیۆنی باڵای سەربەخۆی هەڵبژاردنەکان بانگهێشتێکی فەرمی ئاراستەی سەرجەم لایەنە پەیوەندیدارەکان دەکات بۆ ئامادەبوون لە ڕێوڕەسمی تیروپشکی دیاریکردنی ژمارەی قەوارە سیاسییەکان.

وێنە گەورەکە: بڕیارە 2025-11-11، هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت. کۆمیسیۆنی باڵای هەڵبژاردنەکانی عێراق لە چەند ڕۆژی داهاتوودا لەڕێگەی تیروپشکەوە ژمارە بە هاوپەیمانێتییەکان، کاندید و لیستەکان دەدات.

ڕاگەیێنراوی فەرمی: کۆمیسیۆن لە ڕاگەیەندراوێکدا داوای لە نوێنەرانی هاوپەیمانێتییەکان، حیزبەکان، کاندیدە تاکەکان، ڕێکخراوەکانی کۆمەڵی مەدەنیی ناوخۆیی و نێودەوڵەتی و میدیاکاران کردووە کە ڕۆژی شەممە، ڕێککەوتی 9ـی ئابی 2025، کاتژمێر 6ـی ئێوارە لە هۆڵی "قورتوبە" لە هۆتێلی مەنسوڕ میلیا ئامادەبن.

لەلایەکی دیکەوە: پێشتر کۆمیسیۆنی باڵای سەربەخۆی هەڵبژاردنەکانی عێراق بە ئاڤا میدیای ڕاگەیاندبوو، ڕۆژی 2025-08-10 پرۆسەیەکی فراوانی تاقیکاری بۆ ئامێرەکانی دەنگدان لە هەزار و 79 وێستگەی دەنگدان بەڕێوەدەچێت.