بافڵ تاڵەبانی: هێزەكانی كۆماندۆ لە چەندین ئۆپەراسیۆندا هاوكاری هێزە عێراقییەكانی كردووە

ئاڤا نیوز

بافڵ تاڵەبانی، لەمیانی سەردانیكردنی بارەگای فەرماندەیی هێزەكانی كۆماندۆی كوردستان باسی لەوە كرد، هێزەكانی كۆماندۆ هەماهەنگی و ئۆپەراسیۆنی هاوبەشی لەگەڵ هێزە عێراقییەكان ئەنجامداوە و خۆی سەلماندووە كە هێزێكی كاریگەرە بۆ چەسپاندنی ئارامی و ئاسایش.

چیرۆكی سەرەكی: سەرۆکی یەکێتیی نیشتمانیی کوردستان، سەردانی بارەگای فەرماندەیی هێزەکانی کۆماندۆی کوردستانی کرد و لەلایەن فەرماندەی فەرماندەیی هێزەكانی كۆماندۆی كوردستان پێشوازی لێكرا، دوایین پێشهاتە ئەمنییەکانی هەرێمی کوردستان، عێراق و ناوچەکەیان تاوتوێکرد.

لێدوانی فەرمی: بافڵ جەلال تاڵەبانی، سەرۆکی یەکێتیی نیشتمانیی کوردستان ڕایگەیاند، بەهۆی توانای بەرزی سەربازی و گەشەسەندنی بەردەوامەوە، هێزەکانی کۆماندۆی کوردستان بووەتە پێشەنگ و نموونەیەکی درەوشاوەی هێزە ئەمنییەکان، نەک تەنیا لە هەرێمی کوردستان، بەڵکو لە ئاستی هەموو عێراقدا. هەماهەنگی و ئۆپراسیۆنی هاوبەشی سەرکەوتووی لەگەڵ هاوپەیمانان و هێزە عێراقییەکان تۆماركردووە و ڕۆڵی بەرچاوی هەبووە لە چەسپاندنی ئارامی و ئاسایش.